XitayGoogle ning tijaret kinishkisini yéngilap berdi

Google Shirkitining jüme küni ashkarilishiche, xitay da'iriliri Google izdesh torining tijaret kinishkisini yéngilap bergen. Google Shirkitining bash qanun meslihetchisi deywid drummond jüme küni yazma axbarat élan qilip, "xitay hökümitining tijaret kinishkimizni yéngilap bergenliki bizni nahayiti xursen qildi. Biz xitaydiki tor qollan'ghuchi xéridarlirimizgha üzlüksiz tor izdesh we yerlik mehsulat mulazimiti qilishni kütimiz" dégen.
Muxbirimiz erkin
2010.07.09

Lékin, xitayning döletlik uchur sana'et ministirliqi Google gha tijaret kinishkisi yéngilap bérilgenlik mesilisige hazirgha qeder héchqandaq inkas qayturmidi. Google Ning tijaret kinishkisining waqti bu yil 6‏- ayda toshqan. Bezi közetküchiler xitay hökümiti Google gha tijaret kinishkisi yéngilap bérishni ret qilip, Google ning soda meshghulatigha nurghun tosalghu peyda qilishi mumkin dep qarighan. Lékin, közetküchilerning bu perizi toghra chiqmidi.

Google Shirkiti bu yilning bashliri xitay da'irilirini ashkara tenqidlep, bezi xitay siyasiy öktichilirining Google diki xet sanduqi xaklan'ghanliqini ilgiri sürgen hem xitay baziridin chékinip chiqidighanliqini agahlandurghan. Intérnét erkinlikini teshebbus qilghuchi bezi jem'iyetler xitayning Google gha tutqan pozitsiyisini eyiblep, xitayni dunya soda teshkilatigha erz qilishning qanuni yollirigha bash uridighanliqini bildürgen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.