Gugul xitay üstidin élxetlerge tosqunluq qildi dep shikayet qildi

Intérnéttiki eng chong izdesh matori bolghan gugul bügün xelq'aragha xitay da'irilirini, gugulning élxet mulazimitige tosqunluq qildi dep shikayet qildi.
Muxbirimiz weli
2011-03-21
Share

Birleshme agéntliqining bayan qilishiche, yéqinda gugulni qollan'ghuchilar özliri guguldin achqan tor ponkitlirigha kirelmeydighan yaki uningdiki xet sanduqini achalmaydighan mesilige duch kelgen.

Gugulning shikayetnamisigha qarighanda, xitay hökümiti hazir intayin normal yürüshüwatqan gugulning "G xet" mulazimitini tosuwélish yaki "G xet" lerni ustiliq bilen oghrilap kétish usulini qolliniwatidu.

Fransiye agéntliqining bayan qilishiche, xitay tashqi ishlar ministirliqi bayanatchisi bügün gugulning shikayitini ret qilish üchün, xitay hökümiti intérnétqa tosqunluq qilghini yoq dep jakarlidi.

B b s ning bayan qilishiche, buningdin burun gugul xitayni, xakkér bilen hujum qildi dep eyiblep, xitay baziridin chiqip ketken idi. Gugulning mulazimitini xongkong wakaliten dawamlashturghandin kéyinmu, bu yil 2‏-ayda yene burunqidekla, muhim atalghularni izdise tapqili bolmaydighan mesile yüz berdi. Gugul bilen xitay otturisidiki bu erz-dewadin yene qandaq netije chiqidighanliqi namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet