Gu'angdungdiki wuken kenti ahaliliri diktatorluqqa qarshi namayish ötküzdi

Gu'angdung ölkisining lyuféng shehirining wuken kentidiki ahaliler, bügün yeni düshenbe küni namayish ötküzüp, diktatorluqqa we xiyanetchilikke qarshi naraziliq bildürgen.
Öz muxbirimiz shöhret hoshur
2011-11-21
Élxet
Pikir
Share
Print

Jang pemililik bir namayishchining fransiye axbarat agéntliqigha bildürüshiche, 4500 kishi bu qétimqi namayishni qollap imza qoyghan. Namayishchilar qollirida " Diktatorluqqa qarshi turimiz ", " Xiyanetchiler jazalansun" we " Heq - hoquqlirimiz qayturup bérilsun " qatarliq mezmunda lözunkilar kötürgen we shu'ar towlighan. Melum bolushiche, namayishqa mezkur kentte yillardin béri ötküzülüwatqan saxta saylam seweb bolghan. Namayishchilarning muxbirgha bildürüshiche, mezkur kentning bashliqliri 40 yildin béri wezipe ötewatqan bolup, her qétimliq saylamda yalghan netije peyda qilip, hoquqni qoldin bermey kelgen. Bu kenttiki ahaliler ötken aydimu yer mesilisi heqqide bir qétim namayish ötküzgen. Namayish axirida ular u kenttiki saqchi ponkitigha hujum qilip, bir qisim saqchi aptomobillirigha ot qoyghan. Namayishchilar muxbirgha, bu qétimqi namayishta telepliri orundalmisa, namayishning yene toqunushqa aylinidighanliqini eskertken.
Toluq bet