Gu'entanamodiki Uyghurlardin albaniyige yerleshken Uyghurlar özlirining ehwalini bildürdi

2001-Yili 11-séntebir térrorluq weqesidin kéyin, afghanistanda qolgha élinip, kéyin “Düshmen jengchiliri emes” dep aqlinip, gu'entanamo türmisidin qoyup bérilish qarar qilin'ghan Uyghurlardin, 2006-yili tunji türkümde albaniyige yerleshken besh neper Uyghurning biri bolghan, ababekri qasim fransiye agéntliqining ziyaritini qobul qilip, özi hem albaniyide yerleshken birqanche Uyghurning ehwalini anglatti.
Muxbirimiz méhriban
2012.01.10

Ababekri qasim fransiye muxbirigha, gerche amérika hökümiti ularni “Döshmen jengchiliri emes” dep qoyup bergen bolsimu, emma xitayning neziride ular yenila “Térror gumandari” dep qaralghanliqi üchün, özining xitaygha qaytip, körüshmigili 12 yil bolghan, ilgiriki ayali hem 3 balisini körüsh imkaniyitining yoqluqini bildürgen.

Emma u yene intérnét arqiliq ayali hem baliliri bilen körüshüp turuwatqanliqini, albaniyining tirana shehiridiki pizaxanida ishlep tapqan puli arqiliq, albaniyidiki a'ilisining chiqimidin éshinip, wetendiki balilirigha az tola pul ewetip turghanliqini bildürgen. Ababekri qasim yene öz arzusini bildürüp, künlerning biride sherqiy türkistan musteqil bolghinida, weten'ge qaytishni arzu qilidighanliqini bildürgen.

Melum bolushiche gu'entanamo türmisidin qoyup bérish qarar qilin'ghan Uyghurlarning hazirghiche 17 nepiri xitay hökümitining naraziliqigha qarimay, albaniye, bérmuda, palaw, shwétsiye qatarliq döletlerge yerleshken. Yene 5 nepiri ularni qobul qilishni xalaydighan muwapiq dölet we rayonlarni kütmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.