Gu'antanamo mehbusliri mesiliside yawropa döletliri ixtilap ichide turmaqta
Muxbirimiz shöhret hoshur
2009.01.01
2009.01.01
Hazirgha qeder gérmaniye, shwétsariye, polsha qatarliq döletler mehbus qobul qilishqa qétilidighanliqi yaki oylishidighanliqini bildürse, gollandiye, shwétsiye, daniye we ispaniye qatarliq döletler, gu'antanamo mehbuslirini bir terep qilish amérikining mes'uliyiti ikenlikini, shunga qobul qilalmaydighanliqini bildürdi.
Awstraliye bolsa, gu'antanamo mehbuslirini qobul qilishqa öz dölitining qanunlirida yol bar - yoqluqi üstide izdiniwatqanliqini bildürdi. Fransiye, mehbus qobul qilishqa qarshi emeslikini, emma yawropa döletlirining bu mesilide choqum ortaq pikirge kélishi we birlikte qedem bésishi kéreklikini bildürdi. Bügün en'gliye tashqi ishlar ministirliki mehbus qobul qilishqa teyyar ikenlikini bildürdi.
Nöwette gu'antanamoda 248 neper mehbus bolup, bulardin 60 etrapidiki mehbus üstidin qoyuwétish qarari bérilgen. Gu'antanamoda tutup turuluwatqan 17 neper Uyghur mehbus ene eshu qoyuwétish qarari bérilgen mehbuslardindur.
Xewerlerde körsitilishiche, mushu ayning ichide, yawropa birliki gu'antanamo mehbuslirini qobul qilish - qilmasliq mesiliside mexsus muzakire yighini achmaqchi.