Гуантанамо түрмисидики ака - ука мәһбуслар

Вашингитон почтиси гезитиниң хәвәр қилишичә, гуантанамо түрмисидә йетиватқан уйғур мәһбуслардин икки нәпири ака - ука болуп, улар айрим - айрим һалда пакистан вә афғанистанда қолға елинған.
Мухбиримиз шоһрәт һошур
2009.09.29

Хәвәрдә билдүрүлишичә мәһбус бәхтияр маһмут әркинлик издәп 2001 ‏- йили чәтәлгә чиққан вә афғанистанда һәрбий тәлим көргән, акиси әркин махмут қериндишини издәп пакистанға чиққан. Икки қериндаш гуантанамо түрмисидә тепишқан.

Бу қетим арал дөлити палавниң гуантанамо түрмисидики 12 уйғурни қобул қилғанлиқи мәһбусларға уқтурулған. Мәһбус бәхтияр махмут тизимликтә акисиниң йоқлуқини, акисиниң түрмидә ялғуз қалидиғанлиқини уққандин кейин, палавға бериш қараридин ваз кәчкән вә гуантанамо түрмисидә акисиға һәмраһ болуп, давамлиқ қалидиғанлиқини билдүргән.

Нөвәттә, бу вәқә ахбарат саһәсиниң күчлүк диққитини тартмақта. Вашингтон почтиси гезити бу һәқтики мақалисидә, америка дөләт мәҗилисиниң, бу ака - ука мәһбусларниң әһвалиға алаһидә муамилә қилип, уларниң америкида қелишиға йол қоюши керәкликини оттуриға қойған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.