Гума наһийисидә йүз бәргән хитай аманлиқ күчлири билән болған тоқунушта бир хитай сақчи өлтүрүлди

Чаршәнбә күни шу йәрниң вақти билән кәч саәт 9:00 гума наһийисиниң җәнубидики тағлиқ районда хитай аманлиқ күчлири билән салаһийити намәлум кишиләр арисида тоқунуш йүз берип, 7 киши хитай аманлиқ күчлири тәрипидин нәқ мәйданда етип өлтүрүлгән.
Мухбиримиз әркин
2011-12-28
Share

Бирақ хитай аманлиқ күчлиридин бир сақчи өлтүрүлгән вә йәнә бир сақчи яриланған. Тәңри тағ тори қатарлиқ ахбарат васитилириниң хәвәрлиридә икки кишиниң бир гуруппа киши тәрипидин гөрүгә елинғанлиқи, гөрүгә елинған кишиләрни қутқузуш җәрянида тоқунуш йүз берип, 7 кишиниң етип ташланғанлиқи, 4 кишиниң яриланғанлиқи вә йәнә 4 кишиниң тирик қолға чүшкәнликини илгири сүргән болсиму, лекин бу кишиләрниң салаһийити, миллити, гөрүгә елинғанларниң кимлики һәм гөрүгә алғучиларниң гөрүгә елиштики мәқситигә даир һечқандақ йип учи берилмигән. Хәвәрдә пәқәт гөрүгә алғучиларниң бир очум "террорлуқ гуруһи" икәнлики илгири сүрүлгән.

Хитай һөкүмити нормалда уйғурларниң һәр хил қаршилиқ көрситиш һәрикитини изчил террорлуққа бағлап кәлгән иди. Бәзи анализчилар бу нуқтини чиқиш қилип, өлтүрүлгән, яриланған вә тирик қолға чүшкән бу кишиләрниң уйғур болуш еһтималлиқи чоңлуқини билдүрди. Вәқәниң гумадики бир тағлиқ районда йүз бәргәнлики көзәткүчиләрни диққитини қозғиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт