Гуйҗодики мяв вә доң милләтлири яшайдиған кәйли шәһиридә партлаш йүз бәрди

Хитай мәдәнийәт министирлики пүтүн мәмликәт бойичә торханилар вә башқа һәр түрлүк көңүл ечиш орунлириниң бихәтәрликини күчәйтиш һәққидә чақириқ елан қилған болуп, мәзкур чақириқ шәнбә күни гуйҗу өлкисиниң кәйли шәһиридики бир торханида йүз бәргән паҗиәлик партлаш вәқәсидин кейин елан қилинди.
Мухбиримиз үмитвар
2010.12.05

Франсийә агентлиқиниң хәвәр қилишичә, 5- декабир күни  кәйли шәһиридики торханида йүз бәргән партлашта 6 адәм өлгән 38 адәм яриланған . Партлаш болғанда, торханиниң ичидә кәм дегәндә 45 адәм болған икән. Сақчи тәрәп дәсләпки тәкшүрүш арқилиқ  бир адәмни " қанунсиз һалда химийилик мадда сақлиған" дегән җинайәт билән тутқун қилған. Бошүн ториниң хәвәр қилишичә, 11 адәмниң яриси наһайити еғир һесаблинидикән.

Мәзкур партлаш вәқәси йүз бәргән кәйли шәһири гуйҗу өлкисиниң чйәндоңнән мявзу-доңзу аптоном областиниң мәркизи болуп, бу шәһәрдә 450 миң аһалә яшайду, мәзкур аптоном областниң нопуси 4 милйон 300 миң әтрапида болуп, хитай әмәс милләтләр пүтүн аһалиниң 81%ни тәшкил қилиду, буларниң ичидә мяв миллити 42%ни, доң миллити 32%ни тәшкил қилған.

 Бу қетимқи партлашта  өлгәнләр вә яриланғанларниң милләт тәркиби  һәққидә  һазирғичә һечқандақ учур ейтилмиған.
Бошүн ториниң хәвәр қилишичә, бу қетимқи партлашниң күчи бир қәдәр зор болуп, һәтта әтраптики икки бинаниң көпинчә деризилири чеқилип кәткән, партлаштин кейин қаттиқ  от апити йүз бәргән.  Мәзкур торханиниң ичигә 140 данә компютер қоюлған болуп, көлими  бир қәдәр чоң торхана  һесаблинидикән.  Сақчилар бу партлашниң келип чиқиш сәвәблирини давамлиқ тәкшүрмәктә икән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.