Guyjodiki myaw we dong milletliri yashaydighan keyli shehiride partlash yüz berdi

Fransiye agéntliqining xewer qilishiche, 5- dékabir küni  keyli shehiridiki torxanida yüz bergen partlashta 6 adem ölgen 38 adem yarilan'ghan . Partlash bolghanda, torxanining ichide kem dégende 45 adem bolghan iken. Saqchi terep deslepki tekshürüsh arqiliq  bir ademni " qanunsiz halda ximiyilik madda saqlighan" dégen jinayet bilen tutqun qilghan. Boshün torining xewer qilishiche, 11 ademning yarisi nahayiti éghir hésablinidiken.

Mezkur partlash weqesi yüz bergen keyli shehiri guyju ölkisining chyendongnen myawzu-dongzu aptonom oblastining merkizi bolup, bu sheherde 450 ming ahale yashaydu, mezkur aptonom oblastning nopusi 4 milyon 300 ming etrapida bolup, xitay emes milletler pütün ahalining 81%ni teshkil qilidu, bularning ichide myaw milliti 42%ni, dong milliti 32%ni teshkil qilghan.

 Bu qétimqi partlashta  ölgenler we yarilan'ghanlarning millet terkibi  heqqide  hazirghiche héchqandaq uchur éytilmighan.
Boshün torining xewer qilishiche, bu qétimqi partlashning küchi bir qeder zor bolup, hetta etraptiki ikki binaning köpinche dériziliri chéqilip ketken, partlashtin kéyin qattiq  ot apiti yüz bergen.  Mezkur torxanining ichige 140 dane kompyutér qoyulghan bolup, kölimi  bir qeder chong torxana  hésablinidiken.  Saqchilar bu partlashning kélip chiqish seweblirini dawamliq tekshürmekte iken.