Amérika pakistanning heqqaniy qoralliq guruhini térrorluq teshkilatlar tizimlikige kirgüzgen

Amérika dölet ishlar ministiri hilariy klinton buyruqqa imza qoyup, pakistanning qebililer rayonida pa'aliyet qilidighan heqqaniy qoralliq guruhini térrorluq teshkilatlar tizimlikige kirgüzgen.
Muxbirimiz erkin
2012.09.07

“Nyu-york waqti” gézitining xewer qilishiche, klinton brunéydin rusiyining wladiwistok shehirige qarap yolgha chiqishtin burun, heqqaniy guruhini térrorluq guruh, dep békitish heqqidiki buyruqqa imza qoyghan.

Xewerde klinton we bashqa amérika emeldarlirining ilgiri mezkur mesile heqqide pakistan terep bilen muzakire élip barghanliqi, amérika hökümitining alahide wekili mark grosmanning jüme küni obama hökümitining qararini pakistan'gha yetküzidighanliqini bildürgen.

Mezkur mesile amérika hökümiti we dölet mejlisi ichide izchil talash-tartish qilinip kélin'gen idi. Obama hökümiti dölet mejlisining heqqaniy torini “Térrorluq guruh” dep élan qilish heqqidiki küchlük bésimigha uchrighan.

Dölet ishlar ministirliqi we herbiy sahesidiki bezi kishiler mezkur guruhni térrorchilar tizimlikige kirgüzüsh uning se'udi erebistan, ereb birleshme xelipiliki qatarliq döletlerdiki i'ane toplash herikitini tosup, pakistanning ulargha qarshi herbiy heriket qollinishigha türtke bolidighanliqini ilgiri sürüp kelgen. Biraq yene bezi emeldarlar buning pakistan bilen bolghan munasiwetke we taliban bilen bilen bolghan tinchliq söhbitige selbiy tesir körsitishidin endishe qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.