Клинтон ханим хитай билән сүрийә вә җәнубий деңиздики аралларниң игилик һоқуқи мәсилисидә пикир бирлики һасил қилалмиған

Америка дөләт ишлар министири клинтон ханим билән хитай рәһбәрлири чаршәнбә күни сөһбәт елип берип, давамлиқ һәмкарлишишқа қошулған болсиму, бирақ сүрийә мәсилиси вә хитай билән қошна әлләр арисидики җәнубий деңиз араллириниң игилик һоқуқ ихтилапини қандақ һәл қилиш мәсилисидә пикир бирлики һасил қилалмиған.
Мухбиримиз әркин
2012-09-05
Share

Клинтон ханим, хитай рәиси ху җинтав, баш министир вен җябав, ташқи ишлар министири яң җйечи қатарлиқ кишиләр билән сөһбәт өткүзүп, улардин президент башир әсәдниң сүрийә һөкүмитини қоллашни тохтитишни, җәнубий деңиздики аралларниң игилик һоқуқ мәсилисидә позитсийисини юмшитишни тәләп қилған.

Яң җйечи мухбирларни күтүвелиш йиғинида хитайниң сүрийә мәсилисидики позитсийини ақлап: тарих җуңгониң сүрийә мәсилисидики позитсийиси вәзийәтни мувапиқ бир тәрәп қилишқа пайдилиқ икәнликини испатлайду, дегән.

Бирақ клинтон ханим сүрийидики зораванлиқ иорданийә, түркийә қатарлиқ қошна әлләргә тәсир қиливатқанлиқини әскәртип, хәвпсизлик кеңишиниң һәрикәткә өтүшини тәләп қилған. У: б д т хәвпсизлик кеңишиниң ембарго қарариға русийә билән хитайниң тосқунлуқ қилиши бизни үмидсизләндүргәнлики раст. Биз һәқиқий бир мәвқәдә давамлиқ бирлишип, сүрийидики зораванлиққа хатимә беришни үмид қилимиз, дегән.

Яң җйечи, хитайниң җәнубий деңиздики аралларда игилик һоқуқи барлиқини тәкитләп, буниң тарихий вә қануний асасларға тайинидиғанлиқи, буниң райондики алақидар дөләтләр арисида сөһбәт вә мәслиһәт билән бир тәрәп қилиниши керәкликини билдүргән.

Вен җябав клинтон ханим билән көрүшкәндә, хитайниң игилик һоқуқи, земин пүтүнлүки вә негизлик мәнпәитигә һөрмәт қилишни тәләп қилған.

Лекин клинтон ханим мухбирларни күтүвелиш йиғинида әскәртип: бизниң мәнпәитимиз тинчлиқ вә муқимлиқни қоғдап, хәлқара қанунға, әркин деңиз қатниши, сода паалийитиниң қанунлуқ һәм раванлиқиға һөрмәт қилиштур, дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт