Hindistan, sherqiy shimal térritoriyiside musteqilliq telep qiliwatqan görxalar bilen aptonomiye heqqide kélishti

Birleshme agéntliqning yéngi déhlidin xewer qilishiche, hindistanning gherbiy bén'gal ölkisi, yillardin béri rayonda musteqilliq telep qiliwatqan görxa milliti bilen aptonomiye hoquqi üstide kélishken.
Muxbirimiz shöhret hoshur
2011-07-18
Share

Kélishim, gherbiy bén'gal ölkisining yéngi saylan'ghan hökümiti bilen, görxa xelq azadliq fronti namliq teshkilat arisida bügün yeni düshenbe küni imzalan'ghan. Emma kélishim görxa milletchiliri arisidiki zor bir qisim kishilerning ret qilishigha uchrighan.

Ret qilghuchilar, mezkur kélishimge naraziliq bildürüsh üchün öz terepdarlirini 48 sa'etlik achliq élan qilishqa chaqirghan. Kélishimge imza qoyghan görxa rehberliridin roshan giri, özlirining aptonomiyige kélishken bolsimu, emma musteqilliq ghayisidin waz kechmigenlikini we aptonomiyini musteqilliq yétish üchün ötkünchi bir basquch süpitide tallighanliqini bayan qilghan.

Melum bolushiche, nöwette hindistanning andra pradish, madhiya pradish we maharastira qatarliq ölkiliri hindistandin ayrilip musteqil bolushni xalaydu. Görxalar hindistanning sherqiy shimalida yashawatqan we étnik jehettin népalliqlargha yéqin bolghan bir millet bolup, ular 1980-yillardin bashlap, musteqilliq kürishi bashlighan.

Shu yillardiki bir qétimliq shiddetlik qoralliq qarshiliq herikitide 1200 din artuq kishi ölgen. Xewerlerde hindistanning qanliq weqelerning aldini élish üchün, görxa musteqilchiliri bilen söhbet üstilige olturghanliqi we aptonomiye hoquqi bérish arqiliq ularning teleplirini qismen qobul qilghanliqi bayan qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet