ھىندىستان ئامېرىكىدىن زەمبىرەك سېتىۋالىدىغانلىقىنى جاكارلىدى

ھىندىستان ھۆكۈمەت ئەمەلدارى شەنبە كۈنى ھىندىستاننىڭ توپچى قىسىملىرىنى زامانىۋىلاشتۇرۇش ئۈچۈن ئامېرىكىدىن 560 مىليون دوللار قىممىتىدىكى ئىلغار زەمبىرەك سېتىۋالىدىغانلىقىنى جاكارلىدى.
مۇخبىرىمىز جۈمە
2012-05-12
Share

ھىندىستان دۆلەت مۇداپىئە مىنىستىرلىقىنىڭ ئىسمىنى ئاشكارىلاشنى خالىمىغان بىر يۇقىرى دەرىجىلىك ئەمەلدارى كېلىشىمنىڭ جۈمە كۈنى پۈتۈلگەنلىكىنى، كېلىشىم بويىچە ئامېرىكىنىڭ «ھۋوىتزېر» تىپلىق زەمبىرەكلىرىدىن 145 دانە سېتىۋالىدىغانلىقىنى بىلدۈردى.

«ھوۋىتزېر» تىپلىق زەمبىرەكلەرنىڭ ئۈنۈملۈك زەربە بېرىش مۇساپىسى 30 كىلومېتىر بولۇپ، بۇ زەمبىرەكلەر ھىندىستاننىڭ چېگرا مۇداپىئە توپچى قىسىملىرىغا سەپلىنىدىكەن.

خەۋەرلەرگە قارىغاندا، ھىندىستان دۆلەت مۇداپىئەسىنى كۆپىنچە ھاللاردا خىتاي ۋە پاكىستاننى نەزەردە تۇتۇپ كۈچەيتىدىكەن.

ھىندىستان 1947 - يىلىدىن بۇيان خىتاي بىلەن 3 قېتىم ئۇرۇش قىلغان ئىدى.

ھىندىستان بۇ يىل ھەربىي خام چوتىنى 30 مىليارد دوللارغا ئۆستۈرۈپ، ئىلغار سۇ ئاستى پاراخوتى ۋە رېئاكتىپ كۈرەشچى ئايروپىلانلىرىنى سېتىۋالىدىغانلىقىنى بىلدۈرگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت