Shinxu'a agéntliqining qarishiche, saqchi xunendiki yangaq tort majirasida xitaygha jerimane qoyup, weqeni “Adil bir terep qilmighan”

Shinxu'a axbarat agéntliqi jüme küni maqale élan qilip, xunen saqchilirining yéqinda yüz bergen yangaq tort satquchi Uyghur bilen bir xitay xéridar arisidiki majirani adil bir terep qilmighanliqini bildürdi.
Muxbirimiz erkin
2012.12.07

Maqale shinxu'a agéntliqining wang enxuy isimlik yazghuchisi teripidin qelemge élin'ghan. Maqalida ilgiri sürüshiche, qanun ijra qilghuchilar yaymichilar teripide turup ish béjirse, bu yaymichilarning xorikini östürüp qoyidiken.

Yéqinda xunende Uyghur yaymichilar bilen yerlik xitaylar arisida kolléktip jédel yüz bergen. Jédelni bir xitay xéridarning késip tarazida tartip bolghan yangaq tortni sétiwélishtin yéniwélishi keltürüp chiqarghan. Jédel nahayiti tézla yerlik xitaylar bilen Uyghurlar arisidiki kolléktip majiragha aylan'ghan. Jédelde 3 tonna yangaq tort weyran qilin'ghan, 16 ghaltek buzup tashlan'ghan we nurghun Uyghur yaymichi yarilan'ghan idi.

Saqchi terep jédel chiqarghan xitaygha jerimane qoyup, Uyghur yaymichilargha 24 ming dollar tölem töleshni buyrughan. Mezkur weqe xitay tor betliride ghulghula qozghap, Uyghurlar yene hujum nishanigha aylinip qalghan idi.

Oxshashla, shinxu'a agéntliqining maqaliside Uyghur yaymichilar yoshurun tenqid qilin'ghan. Maqalida, bu xil weqelerni milliy perqqe qarap bir terep qilish tenqid qilinip, Uyghur yaymichilarning bahani toghra qoyushi, ikki terep bir -birini haqaretleydighan sözlerni qilmasliqi telep qilin'ghan.

Chet'eldiki Uyghur pa'aliyetchilirining ilgiri sürüshiche, xitay axbarati izchil meqsetlik selbiy xewer tarqitip, Uyghurlarning obrazini xunükleshtürüp kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.