Ichkiridiki “Shinjang toluq ottura sinipliri”ning oqush tüzümide yéngi belgilime chiqirildi

Shinxu'a agéntliqining tor sehipisidiki uchurdin melum bolushiche, 2012 - yilidin étibaren shinjang toluq ottura sinipigha qobul qilin'ghan oqughuchi mezkur siniplarni achqan mekteplerning sinaq imtihani tapshurup, eger telepke layiq bolsa, oqush mudditi bir yil, yeni teyyarliq sinipta oqush yili qisqartilip, toluq otturida 3 yil oquydiken, sinaqtin ötelmigenler bir yil teyyarliq sinipida oquydiken hemde pütün toluq ottura sinpini püttürgiche 4 yil waqit kétidiken.

Ismini ashkarilashni xalimaydighan bir Uyghur ma'arip analizchisining inkas qilishiche, bu xitay oqughuchilar bilen az sanliq millet oqughuchilirigha qaritilghan emeliyettiki bir tengpungsizliq we perqlendürüp mu'amile qilishtin ibaret.

Da'iriler nöwette, ichkiridiki shinjang toluq ottura siniplirining sanini téz sür'ette ashurmaqta. Ichkiridiki 36 sheherdiki 66 mektepte bu xil sinip tesis qilinip, oqughuchilarning sani 24 mingdin ashqan. Ularning mutleq köp qisimi Uyghur qatarliq xitay emes millet perzentliridur.