ئىككى نەپەر تىبەتكە ئۇچۇرلارنى چەتئەللەرگە يەتكۈزگەنلىكى ئۈچۈن جازا بېرىلدى

خىتاي ھۆكۈمىتى يېقىندا، ئىلگىرى ھۆكۈمەتسىز تەشكىلاتلار ئۈچۈن خىزمەت قىلغان ئىككى نەپەر تىبەتكە مۇددەتسىز قاماق جازاسى بەرگەن بولۇپ، رويتېرستا كۆرسىتىلىشىچە، مەزكۇر تىبەتلەرگە تىبەتنىڭ نۆۋەتتىكى ئەھۋالىنى سىرتقى دۇنياغا ئاشكارىلىغان دېگەن جىنايەت ئارتىلغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2008-12-22
Share

خەلقئارا تىبەت ھەرىكىتى تەشكىلاتىنىڭ رويتېرسقا ئاشكارىلىشىچە، مۇددەتسىز قاماق جازاسىغا بۇيرۇلغان بۇ ئىككى نەپەر تىبەتلىكنىڭ بىرسىنىڭ ئىسمى ۋاڭدۇ بولۇپ، بۇلارغا ئۆتكەن ئاينىڭ بېشىدا ھۆكۈم ئېلان قىلىنغان.

خەلقئارا تىبەت ھەرىكىتى تەشكىلاتى بۇ ھەقتە ئېلان قىلغان باياناتىدا، مەزكۇر تىبەتلەرگە تىبەت ھەققىدىكى ئۇچۇرلارنى چەتئەللەرگە يەتكۈزگەنلىكى ئۈچۈن بېرىلگەن جازانىڭ بۇرۇن كۆرۈلۈپ باقمىغان دەرىجىدە ئېغىر بولغانلىقىنى ئوتتۇرىغا قويغان.

باياناتتا كۆرسىتىلىشىچە يەنە، خىتاينىڭ بۇ خىل قىلمىشلىرىدىن نۆۋەتتە تىبەتتە ئېلىپ بېرىلىۋاتقان باستۇرۇش ھەرىكەتلىرى توغرىسدىكى ئۇچۇرلارنى تېخىمۇ قامال قىلىشقا قاراپ يول ئالغانلىقىنى كۆرۈۋالغىلى بولىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت