Икки нәпәр тибәткә учурларни чәтәлләргә йәткүзгәнлики үчүн җаза берилди

Хитай һөкүмити йеқинда, илгири һөкүмәтсиз тәшкилатлар үчүн хизмәт қилған икки нәпәр тибәткә муддәтсиз қамақ җазаси бәргән болуп, ройтерста көрситилишичә, мәзкур тибәтләргә тибәтниң нөвәттики әһвалини сиртқи дуняға ашкарилиған дегән җинайәт артилған.
Мухбиримиз җүмә
2008.12.22

Хәлқара тибәт һәрикити тәшкилатиниң ройтерсқа ашкарилишичә, муддәтсиз қамақ җазасиға буйрулған бу икки нәпәр тибәтликниң бирсиниң исми ваңду болуп, буларға өткән айниң бешида һөкүм елан қилинған.

Хәлқара тибәт һәрикити тәшкилати бу һәқтә елан қилған баянатида, мәзкур тибәтләргә тибәт һәққидики учурларни чәтәлләргә йәткүзгәнлики үчүн берилгән җазаниң бурун көрүлүп бақмиған дәриҗидә еғир болғанлиқини оттуриға қойған.

Баянатта көрситилишичә йәнә, хитайниң бу хил қилмишлиридин нөвәттә тибәттә елип бериливатқан бастуруш һәрикәтлири тоғрисдики учурларни техиму қамал қилишқа қарап йол алғанлиқини көрүвалғили болидикән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.