Америкиниң тәйвәнгә илғар қорал - ярақ сетип бериш қарари хитай һөкүмитини қаттиқ ғәзәпләндүрди

Америка һөкүмитиниң тәйвәнгә 6 милярд 5 йүз милйон долларлиқ илғар қорал - ярақ сетип бериш қарари, хитай һөкүмитини қаттиқ ғәзәпләндүрди.
Мухбиримиз өмәр қанат
2008-10-04
Share

Америка һөкүмитиниң тәйвәнгә қорал сетиш қарарини хитайниң ички ишлириға арилашқанлиқ вә хитайниң миллий бихәтәрликигә зиян йәткүзгәнлик дәп көрсәткән хитай ташқи ишлар министирлиқиниң баянатчиси лию җәнчав, бу қарар хитай - америка мунасивәтлиригә җиддий сәлбий тәсир йәткүзиду, дәп көрсәтти.
 
Хитай ташқи ишлар миистирлиқиниң баянатчиси лию җәнчав шәнбә күни бу мунасивәт билән елан қилған баянатида, хитай һөкүмити вә хитай хәлқи америка һөкүмитиниң тәйвәнгә қорал сетиш тоғрисидики қарариға қарши һәмдә бу қарарға наразилиқ билдүриду" дегән.

Тәйвән һөкүмити болса, америкиниң тәйвәнгә илғар қорал - ярақ сетиш қарарини қизғинлиқ билән қарши алидиғанлиқини билдүрди.

Франисйә агентлиқиниң тәйбейдин хәвәр қилишичә, тәйвән президенти ма йеңҗу шәнбә күни тәйвәнгә қорал сетиш қарар үчүн америка һөкүмитигә миннәтдарлиқ билдүрүп, "америка һөкүмитиниң бу қарари тәйвән - америка мунасивәтлириниң йеңи бир дәвиргә қәдәм қойғанлиқини көрситиду" дегән.

Америка мудапиә минстирлиқи җүмә күни америка дөләт мәҗлисигә тәйвәнгә башқурулидиған бомба апаче маркилиқ һәрбий тик учар вә су асти парахотидин етилидиған башқурулидиған бомба қатарлиқ 6 милярт 5 йүз милйон долларлиқ илғар қорал - ярақ сетиш қарари алғанлиқини билдүргән. Америка дөләт мәҗлиси 30 күн ичидә бу қарарни тәстиқлиши керәк.
 

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт