Ilham toxtining béyjing ayrodromida tosup qélinishi xelq'ara metbu'atlarning diqqet nuqtisigha aylandi

Ikki kündin buyan xelq'aradiki dangliq metbu'atlarda, xitay merkizi milletler uniwérsitétining Uyghur millitidin bolghan dotsénti, musteqil tetqiqatchi ilham toxtining, amérikining indi'ana uniwérsitétigha kélish sepiridin zorluq bilen tosup qélin'ghanliqi xewer qilinmaqta.
Muxbirimiz méhriban
2013.02.04

Birleshme agéntliqi qatarliq on nechche agéntliqning xewiridin melum bolushiche, béyjingdiki merkiziy milletler uniwérsitétining dotsénti ilham toxti ependi 2-féwral shenbe küni etigen béyjing ayrodromida tosuwélinip, gobaw namidiki saqchilar teripidin 12 sa'et soraq qilin'ghandin kéyin öyige qayturulghan. Soraq jeryanida ilham toxtining su ichishige, hajetke chiqishighimu yol qoyulmighan bolup, fransiye agéntliqi bergen xewiride, ilham toxti ependini“Qepeske solan'ghan Uyghur” dep teripligen.

Radi'omiz igiligen eng yéngi uchurlardin melum bolushiche, düshenbe küni xitayning dölet amanliqini qoghdash xadimliri ilham toxti ependini öyidin chaqirtip ekétip dawamliq soraq qilghan. Indi'ana uniwérsitétidiki ehwalni bilidighan erbablarning ashkarilishiche, indi'ana uniwérsitéti ilham toxti ependining qizighimu dadisi bilen bille amérikigha kélish chaqiriqi ewetken bolup, nöwette ilham toxti ependining qizi amérikining indi'ana uniwérsitétigha salamet yétip kelgen. Mektep da'iriliri ilham toxti ependining qizini shu mektepke oqushqa orunlashturup, halidin xewer alidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.