Amérika hökümet organlirining yumshaq détalini oghrilighan xitay kompyutér inzhénéri qolgha élindi
Muxbirimiz méhriban
2012.01.19
2012.01.19
Melum bolushiche, bu yil 32 yashqa kirgen kompyutér inzhénéri jang baw xitay puqrasi bolup, u özining nyu-york birleshme agéntliqi bankisining teklip qilin'ghan kompyutér inzhénéri bolushtek xizmet qulayliqidin paydilinip, nyu-york birleshme agéntliqi bankisining 10 milyon dollar qimmitidiki kompyutér yumshaq détalini oghrilighan.
Jang bawning adwokati uning xitay puqrasi ikenlikini delilligen bolsimu, emma u teptishning eyibnamisi heqqide bayanat bérishni ret qildi. Melum bolushiche jang baw bu yil 2-ayning 17-küni yene sotqa chiqidighan bolup, eger uning jinayi jawabkarliqi békitilse, 10 yilliq qamaq jazasigha höküm qilinishi mumkin iken.