Ayatullah xaméyniy namayishchilarni agahlandurdi

Iran ali diniy rehbiri ayatullah xaméyniy téhran uniwérsitétida jüme xutbisi sözlep, iran prézidént saylimining öktichi namzati höseyyin musewining qollighuchilirini kocha namayishigha xatime bérishke chaqirdi. U iranda yéqinqi 30 yildin béri yüz bérip baqmighan zor kölemlik namayishlargha seweb bolghan bu saylamda exmedinijadning "hel qilghuch ghelibe " ge érishkenlikini ilgiri sürdi.
Muxbirimiz erkin
2009.06.19

Bu xaméyniyning iranda zor kölemlik namayish partlighandin béri tunji qétim ashkara meydan'gha chiqip, saylam netijisini aqlishi bolup hésablinidu. Saylamdiki ghalip terepni kocha namayishlirining emes, belki sanduqtiki biletning belgilishi kéreklikini tekitligen xaméyniy, zorawanliqlar yüz berse buninggha yitekchilerning jawab bolidighanliqini agahlandurghan.

Öktichi prézidént namzati musewi 12 ‏ - iyundiki saylamda saxtipezlik yüz bergenlikini élan qilip, saylam netijisini inawetsiz qilishni telep qilghan. Buning bilen iranda musewining qollughuchilirining keng kölemlik namayishi partlighan idi.

Saylamda exmedinijadning 63% biletke érishkenliki, musewining 34% biletke érishkenliki élan qilin'ghan. Lékin téhranda musewining 13 milyondin köp biletke érishkenliki, emma saylam netijisi exmedinijadning ghelibisige élan qilin'ghanliqigha da'ir gep - sözler keng tarqalghan.

Xaméynéy jüme xutbisidiki nutiqida bu qarashlarni ret qilip, prézidént obamagha hujum qildi. U amérikini "iran xelqini isyan'gha küshkürtüsh"bilen eyibligen.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.