Ispaniyidiki katalonye aptonom rayonining parlamént saylimida musteqilchiler üstünlük qazandi

Ispaniyining sherqi shimalidiki katalonye aptonom rayonida ötküzülgen parlamént saylimida, katalonyediki musteqilliqni xalaydighan partiye-guruhlar üstünlükke érishken.

Melum bolushiche 135 kishilik parlaméntta musteqilchilerning sani köp sanliqni igiligen. Saylamdin kéyin pikir bayan qilghan, katalonye aptonom rayonining re'isi artur mas, bu qétimqi saylam netijisini “Katalonyening musteqilliqqa bir qedem ilgirilishi” dégen.

Katalonye ispaniyining sherqi shimalidiki bir aptonom rayon bolup, uning yer kölimi 33 ming kwadrat kilométir yeni ispaniyining texminen 15 ten bir qismigha toghra kélidu. Katalanlarning nopusi bolsa 7 milyon 500 ming.

Türkiyining NTV xewiride bildürülüshiche, katalanlarning köpinchisi ispaniyidiki fédératsiye tüzümini katalanlarning tereqqiyatigha tosalghu peyda qildi dep qaraydu. Shunga hakimiyet béshidiki partiye katalonyening musteqilliqini omumiy xelq awazgha qoyushni teshebbus qilip kelgen bolsimu, emma parlaménttiki ezalirining sani yéterlik bolmighachqa, mezkur pilani emelge ashmay kelgen.

Emma ispaniyining asasi qanunida, musteqilliqni awazgha sélishni chekleydighan maddilar bar bolghachqa, buningdin kéyin, ispaniyidiki fédératsiye hökümet bilen katalanlar arisida mezkur témida qanuniy we siyasiy bir majiraning ewj aldighanliqi texmin qilinmaqta.