Isra'iliye ghezzege qoyulghan imbargoni yumshitishni qarar qildi

Isra'iliye da'iriliri ikki kün dawam qilghan muzakiridin kéyin ghezzege qaritilghan imbargoni yumshitish qarari aldi. Isra'iliye üch yildin béri ghezzege qattiq imbargo qoyup kéliwatqan bolup, bu xil ehwal rayondiki bir yérim milyon xelqning hayatigha zor qiyinchiliq élip kelgen.
Muxbirimiz irade
2010.06.17

Qarar élan qilin'ghandin kéyin yawrupa birlikining tashqi siyaset komitéti ezasi ketrin eshton bu qararni qarshi alidighanliqini, emma bundin kéyinki ehwalgha qarashning zörürlükini bildürüp, "eng muhimi qararning emeliylishishi" dep körsetti.

Xamas teshkilati bu heqtiki bayanatida, bu isra'iliyining, türkiyining yardem boyumliri élip mangghan paraxotigha hujum qilghandin kéyin qattiq tenqidke uchrap ketkenliktin, xelq'araning közini boyash üchün qiliwatqan taktikisi ikenlikini ilgiri sürdi.

Pelestin lidiri mahmut abbasmu isra'iliyining qararini eyiblidi we imbargoning tamamen emeldin qaldurulushi kéreklikini tekitlidi.

Yéqinda isra'iliye türkiyining ghezzege yardem élip mangghan paraxotigha hujum qilip netijide 11 kishi hayatidin ayrilghan. Bu weqe xelq'ara jem'iyetning isra'iliyige bolghan naraziliqini küchlendürüwetken idi. Amérika, yawrupa birliki we nurghun xelq'araliq teshkilatlar isra'iliyige ghezzege qoyulghan imbargoni éliwétish heqqide bésim ishletken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.