Исраилийә ғәззәгә қоюлған имбаргони юмшитишни қарар қилди

Исраилийә даирилири икки күн давам қилған музакиридин кейин ғәззәгә қаритилған имбаргони юмшитиш қарари алди. Исраилийә үч йилдин бери ғәззәгә қаттиқ имбарго қоюп келиватқан болуп, бу хил әһвал райондики бир йерим милйон хәлқниң һаятиға зор қийинчилиқ елип кәлгән.
Мухбиримиз ирадә
2010.06.17

Қарар елан қилинғандин кейин яврупа бирликиниң ташқи сиясәт комитети әзаси кәтрин әштон бу қарарни қарши алидиғанлиқини, әмма бундин кейинки әһвалға қарашниң зөрүрлүкини билдүрүп, "әң муһими қарарниң әмәлийлишиши" дәп көрсәтти.

Хамас тәшкилати бу һәқтики баянатида, бу исраилийиниң, түркийиниң ярдәм боюмлири елип маңған парахотиға һуҗум қилғандин кейин қаттиқ тәнқидкә учрап кәткәнликтин, хәлқараниң көзини бояш үчүн қиливатқан тактикиси икәнликини илгири сүрди.

Пәләстин лидири маһмут аббасму исраилийиниң қарарини әйиблиди вә имбаргониң тамамән әмәлдин қалдурулуши керәкликини тәкитлиди.

Йеқинда исраилийә түркийиниң ғәззәгә ярдәм елип маңған парахотиға һуҗум қилип нәтиҗидә 11 киши һаятидин айрилған. Бу вәқә хәлқара җәмийәтниң исраилийигә болған наразилиқини күчләндүрүвәткән иди. Америка, яврупа бирлики вә нурғун хәлқаралиқ тәшкилатлар исраилийигә ғәззәгә қоюлған имбаргони еливетиш һәққидә бесим ишләткән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.