Исраилийиниң газа райониға қилған һава һуҗумлирида 300 артуқ адәм өлди

Исраилийиниң газа шәһиригә қилған һава һуҗуми 3 күндин бери изчил давам қиливатқан болуп, бүгүнки хәвәрләргә қариғанда мәзкур һуҗумларда қаза қилғанларниң сани 300 дин ешип кәткән.
Мухбиримиз җүмә
2008-12-29
Share

Юлтуз гезитиниң ируссалемдин хәвәр қилишичә, бу 3 күн җәрянида өлгәнләрниң сани 322 гә, яриланғанлар 1400 гә йәткән.

Шу мунасивәт билән бирләшкән дөләтләр тәшкилатини бихәтәрлик кеңишигә әза 15 дөләтни өз ичигә алған тәшкилат вә дөләтләр, исраилийини газа райониға қаратқан һуҗумни тохтитишқа қистимақта.

Франсийә агентлиқиниң нәқил қилип көрситишичә, бу һәқтә баянат бәргән бирләшкән дөләтләр тәшкилати баш катипи бан кимун исраилийини газа райониға қаратқан һуҗумлирини дәрһал тохтитишқа вә инсаний ярдәм тәшкилатлириниң мәзкур районға ярдәмгә киришигә йол қоюшқа чақирған.

Юқириқи 3 күн җәрянида, америка, франсийә, канада, японийә, русийә вә бир қисим африқа һәмдә оттура шәрқ әллири исраилийини газа шәһиригә қаратқан һуҗумлирини тохтитишқа чақирип кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт