Dunyadiki rehberler isra'il hujumi üstidin tekshürüsh élip bérishni birdek telep qildi

Fransiye axbarat agéntliqining xewer qilishiche, pelestin'ge yardem buyumliri élip mangghan paraxotlarning isra'iliye armiyisining hujumigha uchrishi, dunya rehberlirining birdek naraziliqini qozghighan.
Muxbirimiz shohret hoshur
2010-06-01
Share

Bügün b d t bixeterlik kéngishi jiddiy yighin ötküzüp weqe üstide téz, terepsiz we ashkara tekshürüsh élip bérish kéreklikini otturigha qoyghan. Shimaliy atlantik ehdi teshkilatimu bayanat élan qilip, isra'iliyining tutup qélin'ghan 6 paraxot we yüzligen pelestin qollighuchilirini qoyup bérishni telep qilghan. Bügün yene en'gliye, fransiye we rusiye qatarliq döletlermu bayanat élan qilip, isra'iliyini ghezzediki ishghaliyitini bikar qilishqa chaqirghan.
 
Isra'iliye bolsa, yardem élip mangghan paraxotlargha ikki sa'et awwal agahlandurush bergenlikini, emma paraxotlar agahlandurushqa perwa qilmay kirishi cheklen'gen rayon'gha dawamliq ilgiriligenliki üchün ikki terep arisida deslep talash‏ - tartish, arqidin toqunush chiqqanliqini bildürmekte.

Türkiye bash ministiri rejep tayip erdoghan tünügün isra'iliye hujumining jawabsiz qalmaydighanliqini bildürgen. Bu nöwet isra'iliyige naraziliq bildürgen döletler arisida xitaymu mewjut؛ emma, Uyghur musulmanlirigha rehimsiz basturush siyasiti qolliniwatqan xitayning pelestin xelqini terep tutushi Uyghur közetküchilirining her waqit gumanini qozghap kelmekte.

Uyghur közetküchiliri xitayning bu qétimqi meydanini, xelq'ara jama'et pikrini koriyidiki paraxot majrasidin ottura sherqtiki paraxot weqesige yötkesh we yaki islam ellirining himayisini qolgha keltürüsh üchün dep qarimaqta.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet