Yette chong sana'et döli'itning maliye ministirliri istanbulda uchrashti

Yette chong sana'et döli'itning maliye ministiriliri shenbe küni ( üchinji öktebir küni) istanbulda uchrashti.
Muxbirimiz weli
2009-10-03
Share

Birleshme agéntliqining bayan qilishiche, bu yighinda amérika, yaponiye, gérmaniye, fransiye, italiye, en'giliye, kanadadadin ibaret yette chong sana'et döli'itning maliye ministirliri, pullarning bashlamchisi bolup kéliwatqan dollarning yéqindin buyan abrotta ajizlap kétiwatqanliqi, bu, mehsulatlirini ikisport qilidighan döletlerge mesile peyda qiliwatqanliqi we buningdin kéilip chiqiwatqan endishiler heqqide muzakire élip bardi.

Dunyaning iqtisadiy siyasitini belgileydighan bu yighinda, dunya bankisining bashliqi robrt zollik, hazir amérika dollirining abrottiki roli töwenlep uning ornini yuro bilen yu'en igellewatqanliqini körsetti. En'giliye maliye ministiri alistayr darling 'sana'etleshken chong döletlerni emes, belki köp sanliq xelqni köp nezerde tutup, namrat döletlerge yardem bérish hazirqi muhim mesile' dep körsetti.

Dunya bankisining yawro - asiya ishlirigha mes'ul mu'awén bashliqi filips yighin jeryanida, yéngidin gölliniwatqan yawro - asiya döletliri yer shari xarektirliq pul - mu'amile kirziside éghir zerbige uchrighanliqini, bu döletlerde namratlar ning sani köpeygenlikini, bu iqtisadiy kirzis hazir bu döletlerde ijtima'i we insanperwerlik kirzisige ayalan'ghanliqini ashkarilighan.

Uning bayan qilishiche, buyil yéngidin gülliniwatqan yawro - asiya döletlirining iqtisadiy 5.6% Töwenligen, bulturqi 8 milyon 300 ming ishsizlar qatarigha yene 400 ming ishsiz qoshulghan. Buningdin kéyin bu döletlerdiki namratlarning sani 15 milyon'gha yétishi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet