Уйғурлар истанбулда 2500 кишилик иптарға қатнашти

Түркийиниң истанбул шәһириниң зәйтунбурну район башлиқи 15 ‏ - сентәбир күни шәрқи түркистанлиқларға иптар зияпити бәргән. Иптарға зәйтинбурнида яшаватқан уйғурлар вә қазақлар болуп 2500 киши қатнашқан.
Мухбиримиз шөһрәт һошур
2008.09.17
Share on WhatsApp
Share on WhatsApp

 Район башлиқи зияпәттә қилған сөзидә бу иптар зияпити арқилиқ шәрқи түркистан хәлқиниң рамизан ейини тәбрикләйдиғанлиқини билдүргән.
 
 Түркийә муһаҗирәттики шәрқи түркистанлиқларниң муһим паалийәт мәркәзлиридин бири: зәйтунбурну болса, истанбулдики шәрқи түркистанлиқлар мәркәзлик олтурақлашқан җай. Түркийидә нөвәттә, шәрқи түркистан вәхпи, шәрқи түркистан маарип вә һәмкарлиқ җәмийити, шәрқи түркистан көчмәнләр җәмийити, қәйсәри шәрқи түркистан мәдәнийәт һәмкарлиқ җәмийити вә шәрқи түркистан яшлар тәшкилати қатарлиқ актип паалийәт елип бериватқан тәшкилатлар мәвҗут. Хитай мутәхәссислири түркийини шәрқи түркистанчиларниң идеологийә базиси дәп қарайду.

Уйғур районида, уйғурларниң роза тутуши һәр хил чәклимигә учраватқан, уйғур ашханилири роза мәзгилидә мәҗбурий ачтуруливатқан бу мәзгилдә, истанбул зәйтунбурну район башлиқиниң мәхсус шәрқи түркистанлиқларға иптар зияпити бериши диққәт тартмақта.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт