Istanbuldiki taksim meydanida partlash yüz berdi

Birleshme agéntliqining bayan qilishiche, bügün istanbuldiki taksim meydanida, etigen sa'et 10 din 40 minut ötkende özini partlitish xaraktérliq chong partlash yüz berdi. Weqedin kéyin bu etrapta zor patiparaqchiliq - ensizlik peyda boldi.
Muxbirimiz weli
2010.10.31

Istanbulning saqchi bashliqi hüseyn japkinning bayan qilishiche, bu weqe, özini partlatquchi kishi saqchi aptomobiligha yéqinlishish aldida yüz bergen. Bu partlashta 32 adem yarilan'ghan, uning 15i saqchi. Buningdin burunmu, taksim meydanida 1999‏ - yilidn 2001‏ - yilighiche ikki qétim mushundaq partlash weqesi yüz bergen idi.

Türkiyining sherqiy jenubidiki qurulush rayonlirini közdin köchürüwatqan türkiye bash ministiri rejep erdowan bu weqe heqqide toxtulup 'bu, türkiyining tereqqiyatini tosumaqchi boluwatqanlar qilghan hujum' dédi.

Roytrs agéntliqining bayan qilishiche, türkiyide yillardin buyan kurdistan kommunist partiyisi (PKK) we elqa'idichilerning hujumliri yüz bérip kelmekte. Emma hazirgha qeder bérer teshkilat yaki shexs téxiche bügün yüz bergen weqege mes'ul bolidighanliqini ashkarilimidi.

Amérika awazning bayan qilishiche, bügün taksim meydanida partlash yüz bergendin kéyin, türkiye saqchi da'iriliri, partlitishqa pilanlan'ghan yene bashqa bombilarningmu barliqini bayqighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.