Иттипақдаш дөләтләрниң ливийидики һәрбий һәрикитиниң қоманданлиқ һоқуқини ш а о ә т өткүзүвалиду

Әнглийә ташқи ишлар министири виллиам хейг ш а о ә т ниң қоманданлиқни пат арида өткүзүвелишқа тәйярлиниватқанлиқини илгири сүргән.

Бүгүн иттипақдаш әлләрниң ливийигә һәрбий һәрикәт қоллинип, б д т қарарини иҗра қилишқа башлиғанлиқиниң 7‏-күни. Ш а о ә т ниң баянатчиси оана лунгескуниң бүгүн брюсселда билдүрүшичә, ш а о ә т ливийидә “ойнайдиған ролини музакирә қилмақта икән”. Брюсселдики дипломатлар ш а о ә т ниң учушни чәкләш вәзиписи атқурупла қалмай, һәрбий һәрикәтниң қоманданлиқини пүтүнләй өткүзүвалидиғанлиқини билдүргән.

Америка қатарлиқ дөләтләр нөвәттики һәрбий һәрикәткә әрәб дөләтлириниң қатнишишини алға сүрүп, һәрикәтниң қанун асасиға капаләтлик қилишни арзу қилмақта. Һәрбий һәрикәткә һазирғичә әрәб дөләтлиридин ялғуз қатар иштирак қилған иди.

Хәвәрләрдин қариғанда, әрәб бирләшмә әмирлики җүмә күни һәрикәткә қатнишидиғанлиқини елан қилип, 12 уруш айропилани әвәтидиғанлиқини билдүргән. Америка вә явропа иттипақи келәр сәйшәнбә күни әрәб дөләтлириниң қатнишиши билән лондонда йиғин чақириду.

Иттипақдаш күчләр җүмә күни ливийә һәрбий әслиһәлирини давамлиқ бомбардиман қилди. Шу күни франсийә, ливийә һава бошлуқиниң контрол астиға елинғанлиқини билдүргән.

Ливийә һәрбий тәрәп баянатчиси җүмә күни триполидики бир қанчә аммиви вә һәрбий әслиһәләрниң бомбардиман қилинғанлиқини илгири сүргән. Лекин, америка с н н телевизийә қанилиниң җүмә күни райондин бәргән хәвиридә иттипақдаш күчләрниң триполи әтрапидики һәрбий базиларни бомбардиман қилғанлиқи билдүрүлди.

Бу арида африқа иттипақи ливийилик бир өмәк билән көрүшүп, өткүнчи дәвр пилани вә сайлам елип бериш мәсилисини музакирә қилған. Лекин, музакиригә исянчиларниң қатнашқан-қатнашмиғанлиқи ениқ әмәс.