Jenubiy junggo heptilik géziti xizmetchiliri ölkilik partkom teshwiqat bashliqining istépa bérishni telep qildi

Jenubiy junggo heptilik gézitining ilgiriki muxbir we tehrirliri imzaliq xet yézip, gu'angdung ölkilik partkomning teshwiqat bölümi bashliqining xizmitidin istépa bérishini telep qildi. Imzaliq xetke jenubiy junggo heptilik gézitining 35 neper xadimidin bashqa yene 51 neper praktikant muxbirmu imza qoyghan.
Muxbirimiz méhriban
2013.01.04

Ochuq xette, gu'angdung ölkilik partkom teshwiqat bölümining jenubiy junggo heptilik gézitining 2013-yéngi yilliq tebrik sözini özgertip, gézitxanidiki bir qisim muxbir we tehrirlerni xizmitidin boshatqanliqini eyibligen.

Jenubiy junggo heptilik géziti xitay jem'iyitidiki qarangghu tereplerni ashkarilash, xewerde birqeder erkin bolush istili shundaqla xitaydiki islahat terepdarliri we musteqil tetqiqatchilarning maqale-eserlirige gézitte orun bérish qatarliq alahidilikliri bilen xitay puqraliri arisida yuqiri abruy qazan'ghan. 2009-Yili amérika prézidénti barak obama xitay ziyariti mezgilide jenubiy junggo gézitining ismini atap bu gézitning ziyaritini qobul qilidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.