Kanada amérikining güentanamo iltijasini ret qilghan

Kanada hökümiti amérika da'irilirining güentanamodiki Uyghurlarni kanadagha qobul qilish heqqidiki iltijasini yene bir qétim ret qilghan. Birleshme agéntliqining xewer qilishiche, kanada bash ministiri stipan xarpérning bayanatchisi koréy ténéké jüme küni güentanamodiki 17 neper Uyghurgha munasiwetlik yéqinqi iltijaning ret qilin'ghanliqini bildürgen.
Muxbirimiz erkin
2009.06.05
Share on WhatsApp
Share on WhatsApp

Birleshme agéntliqi xarpérning bayanatchisining mundaq dégenlikini xewer qildi: "kanada güentanamodin her qandaq mehbusni qobul qilmaydu. Uyghurlarning mesilisi we bashqa tutqunlarning mesilisige qiziqmaydu."

Ténéké, kanadaning ret qilish qararigha kélishtiki sewebini chüshendürüp, bu qararning chiqirilishida xitayning roli yoqluqini, tutqunlarning kanada bilen alaqisiz kishiler ikenlikini we kanada da'irilirining bixeterlik qayghusi barliqini bildürgen. Amérika güentanamodiki Uyghurlarni "gunahsiz" kishiler dep aqlighan bolsimu, lékin amérika dölet mejlisi obama hökümitining bir qisim Uyghurlarni amérikigha qoyup bérishige qarshi chiqqan idi.

Uyghurlarni qobul qilishni xalaydighlan yawropadiki bir qisim döletler bolsa amérikining bir qisim Uyghurlarni qobul qilip, bashqilargha ölge bolup bérishni telep qilmaqta idi.

Kishilik hoquq teshkilatliri bolsa güentanamo amérika özi yaratqan mesile ikenliki, Uyghurlarni amérika özi qobul qilishi kéreklikini teshebbus qilmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.