Кандилиза райис қазақистанни зиярәт қилиду

Америка ташқи ишлар министири кандилиза райиш 5 - өктәбир күни қазақистанни зиярәт қилиду.
Мухбиримиз өмәр қанат
2008-10-04
Share

Бүгүнки қазақистан агентлиқиниң тарқатқан бу һәқтики хәвиридин мәлум болушичә, америка ташқи ишлар рәһбири райис ханим бу қетимқи сәпиридә қазақистан президенти нурсултан назарбайеф билән айрим учришип, америка - қазақистан коп тәрәплимилик һәмкарлиқ мунасивәтлири һәққидә пикир алмаштуриду.

Бу қетим у йәнә қазақистан маш министири кәрим мәсумоп билән айрим көрүшүп, конкрет мәсилиләр һәққидә пикир алмаштуридикән.

Қазақистан ташқи ишлар министирлиқиниң тарқатқан учурлардин нәқил алған бүгүнки қазақистан агентлиқиниң көрситишичә, райис ханим президент назарбайеф, баш министири кәримоф мәсумоплар билән америкиниң қазақистан билән болған сода - иқтисад, сиясий шуниңдәк район характерлиқ мәсилиләрни оз ичигә алған кәң даиридә пикир алмаштуридикән.

Кандилиза райисниң қазақистан зиярити, америка билән русийиниң кавказийини оз ичигә алған грузийә мәсилисидики ихтилаплири өткүрләшкән, русийиниң оттура асия районида бирләшмә һәрбий қошун турғузуш қарариға кәлгән бир пәйткә тоғра кәлгән.

Қазақистан нөвәттә мәркизий асиядики рәһбирий дөләткә айланмақта, униң енергийә, иқтисадий күчи ғәрбниң диққитини қозғиған болуп, бу җай хитай, русийә, явропа иттипақи һәм америкиниң енергийә мәнпәәтлириниң тоқунуш нуқтисиға айлиниватқанлиқи тәһлил қилинмақта.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт