Kent kadirliqigha iltimas qilghuchi studéntlarning partiye ezasi bolushi shert qilin'ghan

Uyghur aptonom rayon da'iriliri bu yil aliy mektep püttürüp, kent kadirliqigha iltimas qilghuchi studéntlarning partiye ezasi bolushi shert ikenlikini uqturghan bolup, bu diqqet qozghidi.
Muxbirimiz méhriban
2012.06.19

“Shinjang géziti” ning xewer qilishiche, Uyghur aptonom rayonluq partkom kent partiye qurulushi bashqarmisining bashliqi gwen xeychüen, 14-iyun xizmet pursiti mesilisi heqqide toxtilip, bu yil oqush tügetken aliy mektep oqughuchiliridin texminen 4 ming neperni jaylarning ehwaligha qarap, kent bashliqi yardemchisi, kent yachéyka sékrétari qatarliq xizmetlerge orunlashturup, “Her bir kentte bir neper aliy mektep tügetken kent kadiri bolush” pilanini emeliyleshtüridighanliqini bildürgen.

Xewerde yene, kent kadiri xizmitige iltimas qilghuchilarning sherti belgilinip: aliy mektep diplomi alghan, yéshi 30 din töwen, partiye ezasi yaki ilghar oqughuchilar kadiri bolghan hemde özi oqughan mektepning kadirlar bashqarmisi tonushturghan oqughuchilar nuqtiliq tallash obyékti qilinidu, déyilgen.

Dunya Uyghur qurultiyi bayanatchisi dilshat rishit bu heqte toxtilip, da'iriler namda aliy mektep tügetken Uyghur oqughuchilar arisidiki ishsizliq nisbitini töwenlitishke tirishiwatqandek körünsimu, emeliyette ularning xitay kommunist hakimiyitige sadiq kadirlarni terbiyilep, Uyghurlar merkezlik orunlashqan yéza-kentlerni téximu qattiq kontrol qilish nishanini ishqa ashurushni meqset qiliwatqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.