Kucharda yüz bergen qatnash hadisisi chet'ellerdiki Uyghurlarni échindurdi

Xitay axbarat wastiliridin hésablan'ghan shinxu'a torida élan qilin'ghan xewiride, 2 ‏ - dékabir kuchar nahiyiside yüz bergen qatnash weqeside hazirgha qeder 20 din artuq ademning qaza qilghanliqi, ölgenler sanining yene dawamliq artidighanliqi ashkarilan'ghan idi.
Muxbirimiz eqide
2008.12.04

Hadiside qaza qilghanlarning mutleq köp qisimining Uyghur qatarliq yerlik milletler ikenliki bildürülmekte.

Mezkur paji'elik qatnash weqesi chet'ellerdiki Uyghur jama'iti jümlidin Uyghur teshkilatliriningmu échinishini qozghighan bolup, ular qaza qilghanlarning a'ile - tawabatliridin hal soraydighanliqini iz 'har qilishti. Bu heqtiki inkaslar ikki kündin buyan tor betler arqiliq we bashqa wasitilar arqiliq bildürülmekte.

Bu qétimqi qatnash hadisisi, 314 ‏ - nomurluq dölet tash yolining kuchargha tewe qismida yüz bergen bolup, neq meydan ispatchilirining bildürüshiche, ishlepchiqirish qurulush armiyisige qarashliq qatnash shirkitining kömür qachilighan yük aptomobiligha urulghan yoluchilar aptobusidiki 29 yoluchidin 18 nepiri neq meydanda jan üzgen. 6 Nepiri doxturxanida qaza qilghan. Ishlepchiqirish qurulush armiyisining yük aptomobilidiki 3 ademning 2 si, weqe yüz bergen jayda ölgen.

Bu atush shehiridin ürümchige qarap yolgha chiqqan yoluchilar aptobusi iken.

Meyli bixeterlik tedbirliri we yaki qatnash yolining nacharliqi tüpeyli bolsun, qatnash weqesi sewebidin hayatidin ayrilghan ademler sani, Uyghur élide alahide köp salmaqni igiligen bolghachqa xelqning qatnash bixeterlikini kücheytish inkasliri küchlük bolmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.