Күнмиң шәһиридики бир қавақханида партлаш вәқәси йүз бәрди

24 - Декабир йүннән өлкиси күнмиң шәһиридики бир қавақханида партлаш йүз берип, бир адәм өлгән болуп, өлгүчи өзини бу йил июлда кунмиңда йүз бәргән аптобус партлаш вәқәсиниң иҗрачиси дәп җакарлиған.
Мухбиримиз җүмә
2008.12.25

Баш шитаби хоңкоңға җайлашқан шиңдав гезитидә көрситилишичә, партлашта өлгүчи мәзкур қавақханиниң ишчиси болуп, гәрчә у дохтурханиға елип берилған болсиму қутқузуш үнүм бәрмәй өлүп кәткән.

Хәвәрдә көрситилишичә, партлашта өлгүчи елип берилған йүннән өлкилик иккинчи дохтурханиси җидди қутқузуш бөлүминиң муавин мудири ча шүн, яридарниң җан үзүш алдида "аммиви аптобусни мән партлаттим" дегәнликини билдүргән.

Партлаш йүз бәргән салвадор қавақханисини бир америкилиқ билән бир японлуқ бирлишип төт - бәш йилиниң алдида ачқан болуп, һазирчә мәзкур хоҗайинларниң нөвәттики әһвали һәмдә өлгүчиниң салаһийити һәққидә тәпсилий мәлуматлар ашакариланмиди.

Йүннән өлкиси күнмиң шәһиридә бу йил 21 - июл икки йәрдә аптобус партлаш вәқәси йүз бәргән болуп, партлашта 2 адәм өлгән 14 адәм яриланған иди.


Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.