Künming shehiridiki bir qawaqxanida partlash weqesi yüz berdi

24 - Dékabir yünnen ölkisi künming shehiridiki bir qawaqxanida partlash yüz bérip, bir adem ölgen bolup, ölgüchi özini bu yil iyulda kunmingda yüz bergen aptobus partlash weqesining ijrachisi dep jakarlighan.
Muxbirimiz jüme
2008.12.25

Bash shitabi xongkonggha jaylashqan shingdaw gézitide körsitilishiche, partlashta ölgüchi mezkur qawaqxanining ishchisi bolup, gerche u doxturxanigha élip bérilghan bolsimu qutquzush ünüm bermey ölüp ketken.

Xewerde körsitilishiche, partlashta ölgüchi élip bérilghan yünnen ölkilik ikkinchi doxturxanisi jiddi qutquzush bölümining mu'awin mudiri cha shün, yaridarning jan üzüsh aldida "ammiwi aptobusni men partlattim" dégenlikini bildürgen.

Partlash yüz bergen salwador qawaqxanisini bir amérikiliq bilen bir yaponluq birliship töt - besh yilining aldida achqan bolup, hazirche mezkur xojayinlarning nöwettiki ehwali hemde ölgüchining salahiyiti heqqide tepsiliy melumatlar ashakarilanmidi.

Yünnen ölkisi künming shehiride bu yil 21 - iyul ikki yerde aptobus partlash weqesi yüz bergen bolup, partlashta 2 adem ölgen 14 adem yarilan'ghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.