Hillariy kilinton liwiye mesilisini hel qilish üchün diplomatiye sepirini bashlidi

Peyshenbe küni amérika dölet ishliri ministiri hillariy kilinton liwiye mesilisini hel qilishni asasiy meqset qilghan diplomatiye sepirini bashlidi. Kilinton ete istanbulda liwiyidiki herbiy heriketni qollaydighan 40 tin artuq dölet rehberliri we liwiyilik isyanchilar bilen bir arigha kélip, muzakire élip baridu.
Muxbirimiz irade
2011-07-14
Share

Yighin'gha nato bash sékrétari andirés ramussén we yawropa birlikining yuqiri derijilik emeldari katrin eshtonmu qatnishidu.

Hillariy kilinton charshenbe küni seperge atlinishtin burun muxbirlargha bergen bayanatida, xelq'ara jama'etning liwiye lidiri kazafiy üstidiki bésimni ashuridighanliqini bildürüp, "Kazafiyning sanaqliq künliri qaldi" dégen. Igilinishiche, yighinda,kazafiyning wezipisidin ayrilishi üchün uning üstidiki xelq'araliq bésimni ashurushla emes, belki isyanchilargha maliye yardimi bérish mesilisi alahide muzakire qilinidiken.

Birleshme agéntliqining xewer qilishiche, liwiyide qarshiliq heriketlirini dawam qiliwatqan isyanchilar charshenbe küni kazafiygha tartquzup qoyghan muhim istratégiyilik sheherni qayturuwalghan. Nöwette ular paytext tripolini igileshni nishan qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet