Liwiyidiki qozghilangchilar kéngishi kazafyning söhbetlishish telipini ret qildi

Liwiyidiki qozghilangchilar kéngishi shenbe küni, kazafyning söhbetlishish telipini ret qildi we kazafyning liwiyining kelgüsini belgileshte salahiyiti yoqluqini körsetti.
Muxbirimiz jüme
2011.04.30
Share on WhatsApp
Share on WhatsApp

Fransiye agéntliqida neqil qilishiche, bu heqte toxtalghan liwiye ötkünchi hökümet komitéti re'isi abdul hafiz ghoga: sülhi tüzidighan waqit ketti, dédi.

U yene mundaq dédi: liwiye xelq kelgüsi liwiyide kazafiyning réjimi herqandaq shekilde mewjut bolup turushini qobul qilalmaydu.

Kazafiy shenbe küni hakimiyettin waz köchmigen asasta liwiye qozghilangchiliri bilen söhbetlishishni xalaydighanliqini bildürgen.

Kazafiy shenbe küni tarqatqan téléwiziye bayanatida yene shimaliy atlantik ehde teshkilatinimu urush toxtitishqa chaqirghan idi.

Shimaliy atlantik ehde teshkilati buninggha inkas qayturup, kazafiy bigunah xelqqe hujum qilishini toxtatmighuche kazafiy qisimlirigha hujum qilishini izchil dawamlashturidighanliqini bildürdi.

Nöwette kazafiy qisimlirining barghanche ajizlishiwatqanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.