En'gliye bash weziri kaméron londondiki topilangni eyiblidi
En'gliye bash weziri dawid kaméron düshenbe küni kech bayanat élan qilip, 6-awghust shenbe küni londonda bashlan'ghan naraziliq namayishining topilanggha aylinip, éghir aqiwet peyda qilghanliqini eyiblidi.
-
Muxbirimiz méhriban
2011-08-09 -
-
-
Bash wezir kaméron yene weqe sadir qilghuchilarning jinayi jawabkarliqi sürüshtürülidighanliqini bildürdi.
B b s agéntliqining xewerliridin melum bolushiche, 4-awghust, londonda 29 yashliq mark dorganning saqchilar teripidin étip öltürülüsh weqesi yüz bergendin kéyin, nechche yüzligen amma saqchixana sirtigha toplinip, tinchliq namayishi arqiliq naraziliqini ipadiligen. Emma, 6-awghust shenbe küni kechte namayishchilar bilen saqchilar otturida toqunush yüz bérip, namayish tézlikte nechche on ming kishilik topilanggha aylan'ghan.
3 Kündin buyan weqe tézlikte en'gliyening bashqa sheherlirigimu kéngiyip, saqchi aptomobillirini köydürüwétish, hetta chong magizinlarni chéqip, bulang-talang qilish weqeliri yüz bergen.
En'gliye hökümet da'iriliri hazirghiche weqe sadir qilghuchilardin 40tin artuq kishining qolgha élin'ghanliqini bildürdi.