Londonda 'untulghan Uyghur musulmanlar' namliq foto süret körgezmisi échilidu

14 - Mart london shehiride Uyghurlarning turmushi bash téma qilghan " untulghan Uyghur musulmanlar" namliq foto süret körgezmisi échilidighan bolup, melum bolushiche, mezkur körgezme uyushturushtiki asasi meqset, Uyghur musulmanlar turmushi, Uyghur élidiki naheqchilik we Uyghur élide yürgüzülüwatqan kishilik hoquq depsendichiliklirini gherb ellirige tonushturush iken.
Muxbirimiz jüme
2009.03.09

" Ereb torida" dep atalghan xewerler torida körsitilishiche, mezkur foto süret körgezmisige yéqinda Uyghur élini ziyaret qilip kelgen shwétsiyilik fotograf we muxbiri pér én'gstromning Uyghur élide tartqan bedi'iy eserliri qoyulidiken.

Xewerde körsitilishiche, körgezmini bash shtabi en'gliyining london shehirige jaylashqan "islam kishilik hoquq komitéti" teshkilligen bolup, körgezmining échilishi murasimida, fotograf, pér én'gstrom, en'gliye Uyghur jem'iyitining re'isi enwer toxti boghda, xelq'ara qelemkeshler jem'iyiti Uyghur merkizining re'isi qeyser abdurusul özxun qatarliqlar sözge teklip qilinidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.