خىتاي لوپنۇر كۆلى رايونىغا قاتنايدىغان تۆمۈر يول ياساشقا باشلىدى

لوپنۇر كۆلى رايونى، بولۇپمۇ ئۇنىڭدىكى قەدىمىي دۆلەت - كرورانىيە مىلادىدىن ئىلگىرى ئۈچىنچى ئەسردىن باشلاپلا رېۋايەتلەردىكى بىر مۆجىزىگە ئايلانغان ئىدى. خىتايلار ئۇنى 'بارسا كەلمەس شەھەر' دەپ ئاتايتتى. خىتاينىڭ بايلىق تەكشۈرىدىغان ئالىمى پېڭ جامۇ دەل مۇشۇ جايدىكى 'سىر' لارنى ئېچىش ئۈچۈن 1980‏ - يىللاردا بېېرىپ قايتىپ كېلەلمىگەن ئىدى.

ھازىر خىتاي، خۇددى خىتاي ئۇچۇر ۋاستىلىرى بايان قىلغاندەك، ئۆزىنىڭ خېمىيە ئوغۇت ئىشلەپچىقىرىشنى ئاسانلاشتۇرۇش ئۈچۈن، مۇشۇ لوپنۇر كۆلى رايونىدا ساقلىنىۋاتقان كالىيلىق تۇز بايلىقلىرىنى قازماقچى.

خەۋەردە ئېيتىلىشىچە، خىتاي 1964 ‏ - يىلى مۇشۇ جايغا ئۆزىنىڭ تۇنجى ئاتوم بومبىسىنى ئايرۇپىلان بىلەن تاشلاپ سىناق قىلغان ئىدى. شۇنىڭدىن مۇشۇ رايوندا 40 نەچچە قېتىم ئاتوم سىنىقى ئېلىپ بېرىپ، بۇ رايوننىڭ مۇھىتىنى ئېغىر دەرىجىدە بۇلغاپ ۋە ئۆسۈملۈكلەرنى زەھەرلەپ كەلمەكتە.