Ürümchide bu yil métro yasalmaqchi we 36 kepilik öy mehellisi chéqilmaqchi

Tengritagh torining bügünki Uyghurche xewiride bildürüshiche, bu yil ichide ürümchide métro yeni yer asti tömür yol yasalmaqchi. Xewerde mezkur pilan sheherning qatnash éqimini rawanlashturush we sheherning uniwérsal tereqqiyatini ilgiri sürüsh üchün déyilgen.
Muxbirimiz shöhret hoshur
2012-01-09
Share

Xewerde bildürüshiche, métro pilani yette tarmaq liniyidin terkip tapidu. Sheherning 500 kwadirat kilométir kölimide yer asti qatnash emeliylishidu. Tengritaghning bügünki xitayche xewiride bayan qilinishiche, bu yil ürümchide, 36 kepe öyler mehellisi chéqilidu, bu mezkur mehellilerdiki 10mingdin artuq kishining menpe'etige chétilidu. Xewerde bildürüshiche, sheherlik partkomning yéqinqi bir yighinida, kepe öylük mehellilerni chéqishni emeliyleshtürüsh üchün alaqidar tarmaqlar jiddiy heriket qilishqa we aktip maslishishqa chaqirilghan. Ürümchi we qarimayda ötken yili élip bérilghan kepe öylerni chéqish dolqunida asasliqi Uyghurlar ziyankeshlikke uchrap sheherdin siqip chiqirilghan we ish - oqetliridin ayriwétilgen idi. Bu qétimqi kepe öylük mehellilerni chéqishning, ürümchidiki métro qurulush pilani bilen munaswiti bar - yoqluqi hazirche melum emes. Emma métro qurulush pilanining bir qisim ahalilerning öylirining chéqilishigha seweb bolidighanliqi éniqtur.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet