Мексикидики әң чоң зәһәр әткәсчиси хитайдин кәлгән

Йе җинли хтайниң шаңхәй шәһиридә туғулған болуп, мексика тәрәпниң билдүрүшичә, 46 яшлиқ йе җенли 1990 - йили хитайниң бир дора ширкити тәрипидин мексикиға әвәтилгән икән. У мексикиға кәлгәндин кейин бу йәрдә аилилик болуп олтурақлишип қалған һәм 2002 - йили мексика дөләт тәвәликигә өткән икән.

2006 - Йили 3 - айниң 15 - күни мексика сақчилири узун муддәтлик көзитиш вә тәкшүрүштин кейин, униң өйини ахтурғинида униң туралғусидин пул билән қопурулған тамни байқиған болуп, сақчилар 2000 килограм еғирлиқтики бу пулларни чоң бир йүк аптомобили арқилиқ 25 сақчи аптомобилиниң қоғдиши билән сақчи идарисигә тошуп әкәлгән.

Сақчилар кечичә смена ишләп санаш арқилиқ бу пулларниң санини һесаблап чиққан болуп, бу пулларниң ичидә 2 милярд 700 милйон америка доллири, 200 миң явро,157 миң 500 мексика писоси бар икән. Йе җенлиниң өйидин йәнә 8 данә алий дәриҗилик аптомобил, 7 данә аваз пәсәйтиш қурулмиси орнитилған тапанча тепилған.

Мексика сақчи тәрәпниң билдүрүшичә, йе җенли асаслиқи музсиман зәһәр ишләпчиқириш вә уни сетиш билән шуғуллинидиған болуп, у һәр килограм хам әшя үчүн 49$ сәрп қилип, ишләпчиқарған музсиман зәһәрни келоси 2400$ дин 3000$ ғичә баһада сатқан. Мушу бойичә һесаблиғанда у һәр күни 1 милйон 400 миң америка доллири тапидикән. Униң маллири америкидики музсиман зәһәрниң 80% ни игиләйдикән.