Méksikidiki eng chong zeher etkeschisi xitaydin kelgen

"Xelq'ara kishiler rayini sinash tor békiti" ning 12 - noyabir künidiki xewiridin ashkarilinishiche, 2007 - yili amérikida tutulghan, méksika dölet tewelikidiki yé jinli isimlik zeher etkeschisi hazirghiche dunyada tutulghan zeher etkeschiliri ichide eng chongi iken.
Muxbirimiz mihriban
2009-11-13
Share

Yé jinli xtayning shangxey shehiride tughulghan bolup, méksika terepning bildürüshiche, 46 yashliq yé jénli 1990 - yili xitayning bir dora shirkiti teripidin méksikigha ewetilgen iken. U méksikigha kelgendin kéyin bu yerde a'ililik bolup olturaqliship qalghan hem 2002 - yili méksika dölet tewelikige ötken iken.

2006 - Yili 3 - ayning 15 - küni méksika saqchiliri uzun muddetlik közitish we tekshürüshtin kéyin, uning öyini axturghinida uning turalghusidin pul bilen qopurulghan tamni bayqighan bolup, saqchilar 2000 kilogram éghirliqtiki bu pullarni chong bir yük aptomobili arqiliq 25 saqchi aptomobilining qoghdishi bilen saqchi idarisige toshup ekelgen.

Saqchilar kéchiche sména ishlep sanash arqiliq bu pullarning sanini hésablap chiqqan bolup, bu pullarning ichide 2 milyard 700 milyon amérika dolliri, 200 ming yawro,157 ming 500 méksika pisosi bar iken. Yé jénlining öyidin yene 8 dane aliy derijilik aptomobil, 7 dane awaz peseytish qurulmisi ornitilghan tapancha tépilghan.

Méksika saqchi terepning bildürüshiche, yé jénli asasliqi muzsiman zeher ishlepchiqirish we uni sétish bilen shughullinidighan bolup, u her kilogram xam eshya üchün 49$ serp qilip, ishlepchiqarghan muzsiman zeherni kélosi 2400$ din 3000$ ghiche bahada satqan. Mushu boyiche hésablighanda u her küni 1 milyon 400 ming amérika dolliri tapidiken. Uning malliri amérikidiki muzsiman zeherning 80% ni igileydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet