Ürümchidiki mexmut damollamning méyit namizida weqe chiqip 100ge yéqin kishi qolgha élin'ghan

Dunya Uyghur qurultiyining igiligen melumatidin qarighanda, tünügün ürümchidiki xantengri meschitining imami mehmud damollamning méyit namizida weqe chiqip, 100 ge yéqin kishi tutqun qilin'ghan.
Muxbirimiz shöhret hoshur
2010-12-17
Share

Melum bolushiche, mehmud damollam ürümchidiki hörmetke sazawer diniy zatlardin bolup, u diniy hayatida xitay hökümitining siyasiy chaqiriqlirigha egiship ketmigen, diniy prinsiplardin chetnimigen we milliy menpe'etke munasiwetlik ishlarda her waqit hökümet terepte emes, jama'et terepte turup kelgen. Shuning üchün uning tünügünki méyit namizigha bir qanche ming kishilik jama'et yighilghan. Jama'et jinazini élip mangghanlar merhumning hörmiti üchün, xantengri meschitidin yen'en yoligha qeder qolida kötürüp mangghan.

Méyit namizigha qatnashqan jama'etning süri we heywiti xitay da'irilirini endishige salghan bolup, xitay saqchiliri méyit namizini chüshürüsh we jinazini élip méngish jeryanini bashtin-axir qattiq kontrol qilghan. Yene dunya Uyghur qurultiyining bildürüshiche, saqchilarning nazariti jeryanida saqchilar bilen jama'et arisida sürkilish peyda bolup, 100 ge yéqin kishi qolgha élin'ghan. Bu méyit namizi heqqide "wetinim" torigha chiqqan bir xewerde bildürüshiche, xitay saqchiliri jinazini élip mangghan jama'et zeretkahliqqa yétip barghanda, sepning aldidiki birqanche 100 Uyghur qorshawgha élinip tutqun qilin'ghan. Emma, hazirgha qeder tünügünki méyit namizida yüz bergen saqchilar bilen jama'et arisidiki sürkilishning derijisi, sewebliri heqqide, shundaqla tutqun qilin'ghanlarning aqiwiti heqqide éniq melumatlar mewjut emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet