Xitaydiki milliy chélishish musabiqiside Uyghur chélishchilar üch türde chémpiyon boldi

Xitayning shinxu'a agéntliqining 12-séntebirdiki xewiridin melum bolushiche, bu hepte xitayda ötküzülgen 9-nöwetlik az sanliq milletler tenheriket musabiqisidiki 7 xil chélishish türide Uyghur chélishchiliridin ablajan mamut, abdughéni molla, tursun toxti memet qatarliq chélishish mahirliri 3 tür boyiche chémpiyonluqni qolgha keltürgen.

Bu qétim eng köp altun médalni Uyghur tenheriket mahirliri qolgha keltürgen.

Yéqinqi yillardin buyan Uyghur tenheriketchilirining xitay ichi hem xelq'ara sehnilerdiki netijisi barghanche gewdilenmekte. Uyghur mahirliri en'eniwi milliy tenheriket türliri bolghan darwazliqtin bashqa yene boksiyorluq, chélishish, putbol qatarliq tenheriket türliridimu xelq'ara musabiqilerge qatniship netijilerge ériship kelmekte.

Chet'ellerdiki Uyghur tenheriketchilirining bildürüshiche, eger Uyghurlargha tenheriket türliride rawajlinish pursiti yaritip bérilginide, Uyghur tenheriketchiliri dunyagha yüzlinip, xelq'ara sehnilerde körünerlik netijilerge érishish pursitimu téximu köp bolushi mumkin iken.