Моңғулийидә президентлиқ сайлими өткүзүлди

Йәкшәнбә күни уйғур елиниң шималий қошниси моңғулийидә президент сайлими болуп өтти. Моңғулийиниң бу қетимқи президент сайлими, бу дөләт әғир иқтисадий кризисларниң тәсиригә учрап, дөләтниң тәқдири кишиләрни биарам қиливатқан пәйткә тоғра кәлгән болуп, йәкшәнбә күни бәләт ташлаш елип берилған болсиму, бирақ техи толуқ хуласиси чиқмиған.
Мухбиримиз үмидвар
2009-05-24
Share

Әмма новәттә, президентлиқ вәзиписини атқуриватқан моңғулийә хәлқ инқилабий партийисидин келип чиққан енкибайерниң ғәлибә қилиш еһтималлиқиниң зорлуқи пәрәз қилинмақта.Енкибайерниң рәқиби демократик партийидин келип чиққан намзат сакһиагин әлбәгдорҗиниң қоллиғучилириму көп санлиқни игилигән. Демократик партийә өткән йили уланбаторда наразилиқ намайиш һәрикәтлирини уюштурған болуп, һөкүмәтниң бесиқтурушиға учриған иди.

Новәттә, җәнубта хитай, шималда русийиниң сиясий, иқтисаий тәсири астида туриватқан моңғулийә дөләтниң келәчәк чиқиш йолини издимәктә, уланбатур өзиниң әнәниви иттипақчиси русийигә биләнму қоюқ мунасивәтни сақлаш билән биргә хитай билән болған сода - иқтисадий һәмкарлиқларғиму әһмийәт бәргән шуниңдәк йәнә америка, японийә қатарлиқ дөләтләр биләнму йеқин һәмкарлиқ орнитишқа тиришқан болуп, бу қетим улар амәрика, яврпа иттипақи вә японийә қатарлиқ әлләрниң көзәткүчилирини сайламни көзитишкә тәклип қилған.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт