Mongghuliyide en'eniwi chélishchiliq we diniy étiqat ewj almaqta

B b s muxbiri robértning bayan qilishiche, mongghul baturi obrazining ornigha dessitilgen slawiyan baturining heykili, yeni sowét ittipaqi dewridiki sotsiyalizmning dinsizliq simwoli bolghan bir chong heykel hazirmu ulanbatur shehirining jenubidiki taghda téxiche körünüp turidu. Emma uning tesiri alliqachan yoqalghan.

Xewerde éytilishiche, mongghullar miladi 16 ‏ - esirdin bashlap 20 - esirde kommunizm kirgiche, pütünley lama dinigha étiqat qilip kelgen idi. Bata isimlik bir charwichi ulanbatur yaylaqliridiki bir chédirda turup b b s muxbirigha sözlep bérishiche, mongghuliyide kommunizm gumran bolghandin kéyin, naxsha - usulgha amraq mongghullarda, azap - oqubetke chidashqa righbetlendüridighan budda dinidin waz kéchip, xristiyan dinigha kirish ewj élishqa bashlighan. Mongghullarda hazir budda dinimu, xristiyan dinimu mewjut, bu her ikki din mongghuliyide kommunizm exletlirini tazilashta intayin muhim rol oynighan.

Bundaq shara'itta, baturluqni ipadileydighan en'eniwi chélishchiliq téximu ewj alghan. Hazir en'eniwi bayram kelsila, mongghulche chélishish musabiqisi bolidiken we mongghulche naghra, sunay bilen gherbche gitar tengkesh qilinip, sekrime usul bilen tolghima usul teng oynilidiken.