Mombaydiki hujum qilish weqeside 8 chet'ellik ölgen

Hindistan bixeterlik emeldari kumawat, ölgenlerning ichide 3 gérmaniyilik, bir yapon, bir kanadaliq, bir awstiraliyilik barliqini, qalghan ikki kishining kimliki téxi namelum ikenlikini ashkarilighan. Yarilan'ghanlar ichide en'gliyilik, gérmaniyilik amérikiliq, omanliq, norwégiyilik, kanadaliq, filipinliq, finlandiyilik, ispaniyilik, awstraliyilikler we xitaylar bar iken.

Xitay tashqi ishlar ministirliqi jüme küni hujumgha uchrighan méhmanxanilarning biridiki 5 neper xitay puqrasining xeterdin qutulup, bixeterlikke érishkenlikini jakarlidi. Méhmanxanidiki xitaylar bilen birge görüge tutulghan gherbliklerni asas qilghan 100 ge yéqin kishi qutquzuwélin'ghan. Nöwette hindistan amanliq küchliri taj mehel orda méhmanxanisi we mumbaydiki bir yehudilar merkizide görüge tutulghan kishilerdin qélip qalghan tutqunlarni qutquzushning amalini qilmaqta iken.

B b s bu heqtiki eng yéngi xewiride hazirmu miltiq we partlash awazi angliniwatqanliqini bildürgen. Birleshme agéntliqi mumbay shehiridiki zenjirsiman térrorluq hujumda ölgenlerning sani az dégende 143 ke yetkenlikini ilgiri sürmekte.

Hindistan bash ministiri manmuxan sing, mumbaydiki hujumni chet'eldiki teshkilatlar élip barghanliqini, qatillarning jawabkarliqini choqum sürüshtüridighanliqini jakarlighan. Hindistan amanliq da'iriliri taj mehel méhmanxanisidin pakistandiki leshkeri ta'ibe teshkilatining ezasi dep guman qilin'ghan bir pakistanliqni qolgha alghan.